17:46 PM   IRAQ
FRIDAY, 28 JANUARY 2022
 به په‌له |◀   بەرپرسێکی ئەمریکی: باڵیۆزخانەی ئەمریکا لە بەغدا درێژەی بە ئەرکی ئاسایی خۆی دەدات
SATURDAY, 22 AUGUST 2020 - 13:53
هونەرمەندێکی مەهابادی خەڵاتی باشترین ئەکتەری پیاوی جیهان لە فستیڤاڵی هۆنگ کۆنگ مسۆگەر دەکات

بەشی فەرهەنگ و هونەر- سەرۆکی ئەنجومەنی هونەری شانۆگەری لە ئازەربایجانی خۆرئاوا ڕایگەیاند هونەرمەند بەختیار پەنجەیی دەرهێنەر و ئەکتەری مەهابادی لە خولی چل و چوارەمی فستیڤاڵی فیلمی هۆنگ کۆنگدا خەڵاتی نێودەوڵەتیی باشترین ئەکتەری پیاوی مسۆگەر کرد.

کوردپرێس:

ئومێد خاکپوور سەرۆکی ئەنجومەنی هونەری شانۆگەری لە ئازەربایجانی خۆرئاوا بە کوردپرێسی ڕاگەیاند فیلمی "نامۆ" وەک تاکە فیلمی وەرگیراو بە نوێنەرایەتیی ئێران بەشداریی خولی چل و چوارەمی فستیڤاڵی فیلمی هۆنگ کۆنگی کرد و ئەکتەر و دەرهێنەری کورد بەختیار پەنجەیی وەک باشترین ئەکتەری پیاو لەو فستیڤاڵەدا دەستنیشان کرا.

ناوبراو زیادی کرد: فستیڤاڵی فیلمی "هۆنگ کۆنگ یەک لە هەرەگرینگترین فستیڤاڵە سینەمایییەکانی جیهانە و ئەگەرچی لە بەر بڵاوبوونەوەی کۆرۆنا بەڕێوە نەچوو بەڵام بە شێوەی ئۆنلاین پاڵێوراوانی فستیڤاڵەکە دەستنیشان کران و خەڵاتەکانیان پێ بەخشرا.

ئومێد خاکپوور ڕوونیشی کردەوە کە پێشتر بەختیار پەنجەیی خەڵاتی باشترین ئەکتەری پیاوی فستیڤاڵی فیلمی "تائۆرمینا"ی ئیتاڵیای مسۆگەر کردبوو.

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه