12:43 PM   IRAQ
THURSDAY, 20 JANUARY 2022
 به په‌له |◀   بەرپرسێکی ئەمریکی: باڵیۆزخانەی ئەمریکا لە بەغدا درێژەی بە ئەرکی ئاسایی خۆی دەدات
MONDAY, 24 AUGUST 2020 - 19:14
قەرارگای حەمزەی سەیدولشوهەدای سوپای پاسداران:
تیمێکی تیرۆریستی لە ماکۆ تێکشکێندرا

بەشی ئازەربایجانی خۆرئاوا- نووسینگەی ڕاگەیاندنی قەرارگای حەمزە سەیدولشوهەدای سوپای پاسداران لە ڕاگەیێندراوێکدا ئاماژەی بەوە کرد کە تیمێکی تیرۆریستیی نەیاری ئێران لە ناوچەی ماکۆ تێکشکێندرا.

کوردپرێس:

ڕۆژی دووشەمە 24ی ئابی 2020 نووسینگەی ڕاگەیاندنی قەرارگای حەمزەی سەیدولشوهەدای سوپای پاسداران ڕاگەیێندراوێکی بڵاو کردەوە و تێیدا ئاماژەی بەوە کردووە کە تیمێکی تیرۆریستیی نەیاری ئێران نیازیان بووە بێنە قووڵاییی خاکی ئێران و لە ناوچەی گشتیی ماکۆ کەوتنە داوی زانیاریی هەواڵگریی هێزەکانی سەر بەو قەرارگایە و تێکشکێنران.

لە ڕاگەیێندراوەکەدا نووسراوە: بە گوێرەی زانیارییەکان پێکدادان لە نێوان تیمەکە و هێزەکانی قەرارگای حەمزە (د.خ) ڕووی دا و لە پێکدادانەکەدا هەر سێ ئەندامی ئەو تیمە نەیارە کوژران.

هەر لە بەیاننامەکەدا ئاماژە بەوەش کراوە کە لە پێکدادانەکەدا ژمارەیێکی زۆر چەک و کەرەستە و تەقەمەنی و سیستەمی پێوەندی گرتن دەستی بە سەردا گیرا.

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه