18:00 PM   IRAQ
FRIDAY, 28 JANUARY 2022
 به په‌له |◀   بەرپرسێکی ئەمریکی: باڵیۆزخانەی ئەمریکا لە بەغدا درێژەی بە ئەرکی ئاسایی خۆی دەدات
WEDNESDAY, 26 AUGUST 2020 - 12:32
لە دیداری نێوان باڵیۆزی نەمسا و پارێزگاری ئازەربایجانی خۆرئاوا باس کرا؛
ورمێ لەگەڵ گەورەشارێکی وڵاتی نەمسا پەیمانی دەستەخوشکی واژۆ دەکات

بەشی ئازەربایجانی خۆرئاوا- لە دیداری نێوان پارێزگاری ئازەربایجانی خۆرئاوا لەگەڵ باڵیۆزی وڵاتی نەمسا، محەمەد مەهدی شەهریاری ڕایگەیاند ورمێ ئامادەیە لەگەڵ شاری سالرزبۆرگی نەمسا پەیمانی دەستەخوشکی واژۆ بکات.

کوردپرێس:

ڕۆژی چوارشەمە 5ی خەرمانانی 1399 محەمەد مەهدی شەهریاری پارێزگاری ئازەربایجانی خۆرئاوا لەگەڵ باڵیۆزی وڵاتی نەمسا دیداری کرد و لە دیدارەکەدا تەوەری گەشتیاری و ئابووری و فەرهەنگی باس و ڕاگۆرینەوەیان لە سەر کرا.

لە دیدارەکەدا شەهریاری ڕایگەیاند وڵاتی نەمسا وەک وڵاتێکی بێ لایەن پێگەی خۆی پاراستووە و ڕوانگەی لایەنی ئێرانی بۆ وڵاتی نەمسا بەردەوام ڕوانگەیێکی ئەرێنی بووە و پارێزگای ورمێش ئامادەیە پێوەندییەکانی لە بواری فەرهەنگی و گەشتیاری و ئابووری لەگەڵ وڵاتی نەمسا دەوڵەمەند بکات.

پارێزگاری ئازەربایجانی ڕۆژئاوا زیادیشی کرد: پارێزگاکە لە باری گەشتیاری و شوێنی مێژوویی و ڕەسەن پارێزگایێکی دەوڵەمەند و ئامادەیە پێشوازی لە سەرمایەدانەران و گەشتیاران و چالاکانی ئابووریی وڵاتی نەمسا بکات.

ناوبراو کۆمەڵێک توانا و دەفرایەتیی پارێزگای ورمێشی لە بواری باخداری و جووتیاری و کانگا و بازرگانی ناساند و دووپاتی کردەوە کە ئامادەی پێشوازی کردنن لە هەموو چالاکانی ئابووری و گەشتیاریی وڵاتی نەمسا و لەو چوارچێوەیەشدا پەیمانی دەستەخوشکی لەگەڵ شاری سالرزبۆرگی ئەو وڵاتە واژۆ دەکەن.

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه