19:10 PM   IRAQ
FRIDAY, 28 JANUARY 2022
 به په‌له |◀   بەرپرسێکی ئەمریکی: باڵیۆزخانەی ئەمریکا لە بەغدا درێژەی بە ئەرکی ئاسایی خۆی دەدات
WEDNESDAY, 16 DECEMBER 2020 - 11:42
«قادر قادری» هونەرمەندی ژەنیاری نای لە مەهاباد کۆچی دوایی کرد

بەشی ئازەربایجانی ڕۆژئاوا- قادر قادری ناسراو بە (قودرەت ئاغایی) هونەرمەند و ژەنیاری بەناوبانگی نای، لە شاری مەهاباد بەهۆی نەخۆشییەوە کۆچی دوایی کرد.

بەپێی هەواڵی کوردپرێس، بەرەبەیانیی ئەمڕۆ چوارشەممە قودرەت ئاغایی لە دایکبووی ساڵی 1306ی هەتاوی بەهۆی نەخۆشییەوە لە تەمەنی 93 ساڵیدا کۆچی دوایی کرد.

قادر قادری ژەنیاریی بۆ هونەرمەندان حەسەن زیرەک، محەممەد ماملێ و سەید محەمەد سەفایی و چەند هونەرمەندی دیکەی کورد کردووە.

هونەرمەند قودرەت ئاغایی لە تەمەنی مێرمنداڵییەوە دەستی بە ژەنینی ئامێرەکانی زەرب، نایە، دووزەلە و زوڕنا کردووە، لە ماوەی تەمەنیدا لە زۆربەی فێستیڤاڵەکانی کوردستاندا بەشداری بووە و وەک هونەرمەندێکی بەتوانا ڕێزی لێ گراوە.

ماوەی سێ مانگ بوو تووشی نەخۆشی ببوو و بەرەبەیانی ئەمڕۆ چوارشەممە 26ی سەرماوەزی 1399 کۆچی دوایی کردووە و بڕیاره تەرمی ئەم هونەرمەندە لە بەشی هونەرمەندانی گۆڕستانی مەهاباد بە خاک بسپێردرێت.

 

کۆدی هەواڵنێر: 60113

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه