22:58 PM   IRAQ
THURSDAY, 21 OCTOBER 2021
 به په‌له |◀   بەرپرسێکی ئەمریکی: باڵیۆزخانەی ئەمریکا لە بەغدا درێژەی بە ئەرکی ئاسایی خۆی دەدات
WEDNESDAY, 23 DECEMBER 2020 - 17:58
فەرماندەی فەیلەقی قودس سەردانی بەغدای کرد

بەشی عێراق و هەرێمی کوردستان- کەناڵی العالم ڕایگەیاند فەرماندەی فەیلەقی قودسی سوپای پاسداران بەسەردانێکی کورت گەشتۆتە بەغدا و لەگەڵ بەرپرسانی باڵای عێراقی دیدار و گفتوگۆی کرد.

کوردپرێس:

کەناڵی العالم لە هەواڵێکدا ڕایگەیاند سەردار ئیسماعیل قائانی فەرماندەی فەیلەقی قودسی سوپای پاسداران لە دیدارێکی کورتدا بەغدای بەسەر کردۆتەوە و لەگەڵ بەرپرسانی باڵای عێراقی دیدار و گفتوگۆی کردووە.

سەردار قائانی لە دیدارەکانیدا لەبارەی نەخشەڕێگای گەشەپێدانی پێوەندییە دووقۆڵییەکانی نێوان ئێران و عێراق لەگەڵ بەرپرسانی عێراقی دیداری کردووە.

العالم زیادی کردووە دیدارەکانی سەردار قائانی پێشتر بە پرۆتۆکۆل ئامادەکارییان بۆ کرابوو.

شایانی باسە فەرماندەی فەیلەقی قودسی سوپای پاسدارانی ئێران پێش ئەم دیدارانەش چەندین جار سەردانی عێراقی کردووە و لەبارەی پێوەندییە دوو قۆڵییەکانەوە لەگەڵ بەرپرسانی ئەو وڵاتە ڕاگۆرینەوەی هەبووە.

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه