21:17 PM   IRAQ
WEDNESDAY, 20 OCTOBER 2021
 به په‌له |◀   بەرپرسێکی ئەمریکی: باڵیۆزخانەی ئەمریکا لە بەغدا درێژەی بە ئەرکی ئاسایی خۆی دەدات
FRIDAY, 25 DECEMBER 2020 - 09:15
نوێنەری ئیدارەی خۆسەری کوردستانی سووریا لە هەولێر، تایبەت بۆ کوردپرێس:
ڕووسیا و تورکیا ڕێکەوتنێکی گوماناوییان لەسەر عەین عیسا کردووە

بەشی سووریا- نوێنەری ئیدارەی خۆسەری کوردستانی سووریا لە هەولێر، دەڵێت: لەسایەی بێدەنگیی ڕووسیا و حکوومەتی ناوەندیی سووریا؛ ئامانجی تورکیا لە هێرش کردنەسەر عەین عیسا دابڕانی ناوچەی جزیرە و کۆبانی لە یەکترە.

«ئالان سلیفی» نوێنەری ئیدارەی خۆسەری کوردستانی سووریا لە هەولێر لە وەڵامی ئەم پرسیارەی کوردپرێسدا کە چارەنووسی عەین عیسا چ دەبێت و تورکیا خەریکی جێبەجێ کردنی چ سیناریۆیێکە، وتی: هێرشێکی بەربڵاو و توند دژی کوردستانی سووریا دەستی پێکردوە بەڵام هێزەکانی سووریای دیموکرات بەرپرچی هێرشەکانیان داوەتەوە.

ناوبراو درێژەی دا: ئەوەی کە گوماناوییە بێدەنگیی ڕووسیا و حکوومەتی ناوەندیی سووریایە هەمبەر هێرشەکان.

نوێنەری ئیدارەی خۆسەری کوردستانی سووریا لە هەولێر زیاتر وتی: بابەتەکە ڕوون و ئاشکرایە کە لەنێوان ڕووسیا و تورکیا ڕێککەوتن کراوە و پێشتریش ڕووسیا بەستێنەکەی بۆ تورکیا فەراهەم کردبوو.

ئالان سلیفی ئاماژەی دا بە ئامانجی تورکیا لە هێرش کردن بۆ سەر عەین عیسا و وتی: لەسایەی بێدەنگیی ڕووسیا و حکوومەتی ناوەندیی سووریا؛ ئامانجی تورکیا لە هێرش کردنەسەر عەین عیسا دابڕانی ناوچەی جزیرە و کۆبانی لە یەکترە.

ناوبراو جەختی کردەوە: بەڕێوەبەرایەتیی خۆسەر نموونەیێکی سەرکەوتووە لە بەڕێوەبەری و حکوومەت کردن لە سووریا و ئەمەش لەلایەن هەموو ئەو شاندە ئەورووپییانە کە سەردانی کوردستانی سووریا دەکەن پشتڕاست کراوەتەوە.

ئالان سلیفی وتیشی: ئاشکرایە کە ڕێککەوتنی نهێنی لەنێوان ڕووسیا و تورکیا هەیە لەسەر عەین عیسا ئەم بابەتەش دەتوانێت پرسی ئیدلیب و کشانەوەی هێزە تورکەکان بێت لە ژمارەیێک لە بنکە سەربازییەکان لە ناوچەکەدا.

 

کۆدی هەواڵنێر: 60113

کليه حقوق اين پایگاه اطلاع‌رسانی متعلق به «خبرگزاری کردپرس» بوده و هرگونه استفاده از مطالب آن با ذکر منبع بلامانع است.

©2017 kurdpress. All rights reserved.
Designed & Powered By Atlas Samaneh - طراحی و توسعه توسط اطلس سامانه